Образовательная среда
Қалауын тапсаң, қар жанар
Әлеуметтік кәсіпкер, «Green TAL» шеберханасының жетекшісі Эмин Әскеров
Общественное объединение инвалидов «СТРАНА
МАСТЕРОВ», социальный проект «GreenTAL», легкая и
деревообрабатывающая промышленность, столярный
цех, швейная мастерская, полиграфия, декорирование,
количество сотрудников в проекте 32 человека (из них
26 из социально уязвимых слоев населения)
Біздің шеберханада айтуға тұрарлық хикаялар өте көп. Келген адамның әрқайсысының өзіндік ерекшеліктері бар. Мысалға, біз бір кездері ақыл-ой кемістігі және оған қосымша БЦП диагнозы бар баланы жұмысқа орналастырдық, оған қоса ол қалада жалғыз тұрады, ал анасы Таразда тұрады. Ол өз қалауымен сол қаладан кетіп, өзін-өзі асырауға бел буады, нәтижесінде бізге тап болады. Бірақ, өкінішке орай ол бізде өзін көрсете алмады. Біз оны жұмыстан шығару туралы ұзақ ойландық, себебі, шындығын айтқанда, ол кәсіби жарамсыз еді. Білесіз бе, біз оны жұмыстан шығарамыз деп ойлап жүрген сәтте ол токарлық станокта өте жақсы жұмыс істей бастады. Токарлық станокпен ағаштан фигуралар жасады және оның жасаған дүниелері өте керемет еді. Нәтижесінде, ол осы қызметтен өзін тапты және осы бағыттың шеберіне айналды. Бізге бұл жеткілікті. Егер бұрын біз баспалдақтарға арналған ағаш тұтқаларды сатып алған болсақ, қазіргі уақытта мұның барлығын өзіміз жасайтын болдық. Енді ол да бақытты, біз де бақыттымыз!
Тағы бір оқиға, біздің «Жиыстыру жұмыстары бойынша бас директорымыз» туралы болмақ. Алдыңғы, 2017 жылы, қыркүйек айында бұл жігітті ата-анасы бізге алып келді. Тіпті жалақы да керек емес, тек еңбекке жарамдылығын арттырып, өзі үшін әлеуметтендіру үрдісінен өтсе болды деген еді. Негізінде өзі өте жақсы, мейірімді жігіт, бірақ өкінішке орай ақыл-ойы кем, яғни оны бір жұмыстан екінші жұмысқа ауыстыру өте қиын, себебі оның диагнозы да ауыр. Біз оны ұсталық цехты жиыстыру жұмыстарының бастығы етіп тағайындауды жөн көрдік. Неге бастығы дейсіз ғой? Себебі, сенің өзіңнің басшы екеніңді сезінген кезде, сол үшін жауапты екеніңді де сезінесің, сол арқылы ақырындап өзгере бастайсың. Жарты жыл бойы мен ұсталық цехқа кіре сала оған қай жерді жинастыру керектігін көрсетумен болдым. Содан, 17 мамыр күні жұмысқа келгенде, оның алғаш рет маған айтқызбай цехты өзі жинастырып жүргенін көрдім. Қазіргі уақытта біздің ұсталық цехта мінсіз тазалық орын алған. Кейде журналистер де: «Сіздер шынымен мына жерде жұмыс істейсіздер ме?» деп сұрап жатады, себебі, ұсталық цехтарда шаң, ағаш қалдықтары жатуы қалыпты жағдай болар еді, ал біздің цехтың тазалығы сонша, кейде тіпті күмән тудырады. Қазір бізге бұқаралық ақпарат өкілдері келетін жағдайда, мен ол жігіттен цехты жинастырмауын өтінетін болдым.




Балнур Кизирбеккызы
Журналист
Made on
Tilda